ହାକଫେଷ୍ଟ ୨.୦ ଜିଆଇଇଟି, ଭୁବନେଶ୍ୱର

ହାକଫେଷ୍ଟ ୨.୦ ଜିଆଇଇଟି, ଭୁବନେଶ୍ୱ

ଗାନ୍ଧୀ ଇନ୍ଷ୍ଟିଟ୍ୟୁଟ ଅଫ ଏକ୍ସିଲେଣ୍ଟ ଟେକ୍ନୋକ୍ରାଟ୍ସ (ଜିଆଇଇଟି) ଘଙ୍ଗାପାଟଣା, ଭୁବନେଶ୍ୱରରେ ଫେବୃଆରୀ ୧୮ ଏବଂ ୧୯ ତାରିଖରେ ୨ ଦିନ ଧରି ୨୪ ଘଣ୍ଟିଆ ଅବିରତ ହ୍ୟାକାଥନ୍ କାର୍ଯ୍ୟକ୍ରମ “ହାକଫେଷ୍ଟ ୨.୦” ସଫଳତାର ସହିତ ଆୟୋଜିତ ହୋଇଯାଇଛି ।

ଅଧ୍ଯକ୍ଷ ପ୍ରଫେସର ଡଃ ଶୁଭ୍ରଜିତ୍ ପ୍ରଧାନଙ୍କ ଅଧ୍ଯକ୍ଷତା ଓ ନିରୀକ୍ଷଣରେ ଉଦ୍‌ଘାଟନ ଉତ୍ସବ ଆରମ୍ଭ ହୋଇଥିଲା । ଏହି ଅବସରରେ ଇଂ ଧୀରେନ୍ଦ୍ର ନାଥ ବେହେରା, ଅତିରିକ୍ତ ନିର୍ଦ୍ଦେଶକ, ସଫ୍ଟୱାର ଟେକ୍ନୋଲୋଜି ପାର୍କ୍ସ ଅଫ ଇଣ୍ଡିଆ (ଏସଟିପିଆଇ), ଭୁବନେଶ୍ୱର ମୁଖ୍ୟ ଅତିଥି ଭାବେ ଓ ଇଂ ରାମ ନାରାୟଣ ସାବତ, ଉପସଭାପତି (ଜିଆଇଇଟି), ଘଙ୍ଗାପାଟଣା ସମ୍ମାନିତ ଅତିଥି ଭାବେ ଉପସ୍ଥିତ ଥିଲେ । ଆବାହକ ପ୍ରଫେସର ସ୍ବରୂପା ଆର୍ଯ୍ୟ ସଭାରେ ସ୍ବାଗତ ସମ୍ଭାଷଣ କରିଥିଲେ । ଅଧ୍ଯକ୍ଷ ଡଃ ପ୍ରଧାନ ପ୍ରତିଯୋଗୀମାନଙ୍କର ସମର୍ପଣ, ସୃଜନଶୀଳତା ଓ ନବୋତ୍ଥାନ ମନୋଭାବକୁ ପ୍ରଶଂସା କରିଥିଲେ । ମୁଖ୍ୟ ଅତିଥି ଓ ସମ୍ମାନିତ ଅତିଥି ଆଜିର ପ୍ରତିସ୍ପଧୀ ପ୍ରଯୁକ୍ତିକ ପରିବେଶରେ ପ୍ରାୟୋଗିକ ଶିକ୍ଷା, ଦଳୀୟ କାର୍ଯ୍ୟ ଓ ସମସ୍ୟା ସମାଧାନ କୌଶଳର ଗୁରୁତ୍ଵ ଉପରେ ଆଲୋକପାତ କରିଥିଲେ ।

“ହାକଫେଷ୍ଟ ୨.୦” ରେ ମୋଟ ୩୨୫ ଜଣ ଅଂଶଗ୍ରାହୀ ମଧ୍ୟରୁ ୨୩୮ ଜଣ ବାହ୍ୟ ଅଂଶଗ୍ରାହୀ ଭିନ୍ନ ଭିନ୍ନ ସଂସ୍ଥାର ୭୪ ଟି ଦଳ ଯୋଗଦେଇଥିଲେ । ଏହା କାର୍ଯ୍ୟକ୍ରମର ବୃଦ୍ଧିଶୀଳ ଲୋକପ୍ରିୟତା ଓ ପ୍ରଭାବକୁ ପ୍ରତିଫଳିତ କରିଥିଲା । ହ୍ୟାକାଥନରେ ପ୍ରଯୁକ୍ତି ନବୀନତା, ବାସ୍ତବ ସମସ୍ୟା, ଅଟୋମେସନ୍, ସଷ୍ଟେନେବିଲିଟି ଓ ଡିଜିଟାଲ ଭଳି ବିଭିନ୍ନ କ୍ଷେତ୍ରରେ ୧୪ ଟି ସମସ୍ୟା ବିବରଣୀ ରହିଥିଲା ।

ଏସଟିପିଏଲ, ଏମଟେକ, ବାଇଟଆଇକ୍ଯୁ ୱେବ ବକେଟ, ଥ୍ରୀଏଟସିସ, ସୀରି କ୍ୱଟସ, ଇଟିଏନ, କ୍ଯୁଲିଥ, ଏମକ ଭଳି ବିଭିନ୍ନ କମ୍ପାନୀ କାର୍ଯ୍ୟକମ୍ରରେ ଅଂଶଗ୍ରହଣ କରି ଅଂଶଗ୍ରାହୀମାନଙ୍କୁ ଯଥୋଚିତ ପରାମର୍ଶ ଓ ମାର୍ଗଦର୍ଶନ ଯୋଗାଇଥିଲେ । ସେମାନେ ଛାତ୍ରଛାତ୍ରୀମାନଙ୍କ ପାଇଁ କ୍ୟାରିୟର ଓ ପ୍ଲେସମେଣ୍ଟ ସୁଯୋଗର ମୂଲ୍ୟବାନ ମାଧ୍ଯମ ଭାବେ କାମ କରିଥିଲେ ।

ଅଂଶଗ୍ରାହୀମାନେ ୨୪ଘଣ୍ଟା ଧରି ମାରାଥନ, କୋଡିଂ, ପରୀକ୍ଷା ଓ ଆଦିରୂପ ଉନ୍ନୟନରେ ଅବିରତ ଲିପ୍ତ ରହିଥିଲେ । କଠୋର ମୂଲ୍ୟାୟନ ପ୍ରକ୍ରିୟା ପରେ ୨୨ଟି ଦଳ ନ୍ୟାୟଧୀଶମଣ୍ଡଳୀ ସମ୍ମୁଖରେ ସଫଳତାର ସହିତ ତାଙ୍କର ସମାଧାନ ପ୍ରସ୍ତୁତ କରିଥିଲେ ।

ସମନ୍ବୟକତ୍ତା, ଅଧ୍ୟାପକ, କର୍ମଚାରୀ ଓ ଛାତ୍ର ସ୍ବୟଂସେବକମାନଙ୍କର ସମ୍ପୂର୍ଣ୍ଣ ସହଯୋଗରେ ହାକଫେଷ୍ଟ ୨.୦ ଏକ ବିଶାଳ ସଫଳତାରେ ପରିଣତ ହୋଇଥିଲା । ଅନୁଷ୍ଠାନର ଉପସଭାପତି ଓ ଅଧ୍ଯକ୍ଷ ସମସ୍ତ ଅଂଶଗ୍ରାହୀ, ବିଶେଷକରି ଅଧ୍ୟାପକ ଓ କର୍ମଚାରୀମାନଙ୍କୁ କାର୍ଯ୍ୟକ୍ରମର ସଫଳତା ପାଇଁ ହୃଦୟପୂର୍ଣ୍ଣ ଧନ୍ୟବାଦ ଜଣାଇଥିଲେ l