ଟାଇମ୍ସ ହସ୍ପିଟାଲିଟି ଆଇକନ୍ସ ଓଡ଼ିଶା ୨୦୨୬ରେ ଆକିଜ୍ ହାର୍ବର “ଆଇକନିକ୍ ସି ଫୁଡ୍ ରେଷ୍ଟୁରାଣ୍ଟ” ଭାବେ ସମ୍ମାନିତ

ଉପକୂଳ ଓଡ଼ିଆ ସାମୁଦ୍ରିକ ଖାଦ୍ୟର ଘର – ଭୁବନେଶ୍ୱରର ଆକିଜ୍ ହାର୍ବର, ଟାଇମ୍ସ ଅଫ୍ ଇଣ୍ଡିଆର ପଞ୍ଚମ ସଂସ୍କରଣ ସମ୍ମାନ ସମାରୋହରେ ପୁରସ୍କୃତଆସ୍ଥା ଇଣ୍ଟରନ୍ୟାସନାଲର ଏକ ୟୁନିଟ୍ ଆକିଜ୍ ହାର୍ବରକୁ ଭୁବନେଶ୍ୱରର ପ୍ରାଚୀ ସରୋବର ପ୍ରିମିୟରଠାରେ ଅନୁଷ୍ଠିତ ଟାଇମ୍ସ ହସ୍ପିଟାଲିଟି ଆଇକନ୍ସ ଓଡ଼ିଶା ୨୦୨୬ରେ ଆଇକନିକ୍ ସି ଫୁଡ୍ ରେଷ୍ଟୁରାଣ୍ଟ ଭାବେ ସମ୍ମାନିତ କରାଯାଇଛି। ପଦ୍ମଶ୍ରୀ ଶେଫ୍ ସଞ୍ଜୀବ କପୁର ଏହି ପୁରସ୍କାର ପ୍ରଦାନ କରିଥିଲେ ଏବଂ ପ୍ରୋପ୍ରାଇଟର ଶ୍ରୀମତୀ ମିତସ୍ମିତା ଦାଶ ଏହାକୁ ଗ୍ରହଣ କରିଥିଲେ।ପଞ୍ଚମ ସଂସ୍କରଣରେ ପହଞ୍ଚିଥିବା ଟାଇମ୍ସ ହସ୍ପିଟାଲିଟି ଆଇକନ୍ସ ଓଡ଼ିଶା ହେଉଛି ଅପ୍ଟିମାଲ୍ ମିଡିଆ ସଲ୍ୟୁସନ୍ସ (ଟାଇମ୍ସ ଇଣ୍ଟରନେଟ୍ ଲିମିଟେଡ୍, ଦି ଟାଇମ୍ସ ଅଫ୍ ଇଣ୍ଡିଆର ଏକ ବିଭାଗ)ର ଏକ ପଦକ୍ଷେପ। ଏହାକୁ ୫୦ ବର୍ଷ ପୂର୍ତ୍ତି ପାଳୁଥିବା ରୁଚି ଫୁଡ୍‌ଲାଇନ୍ ଉପସ୍ଥାପିତ କରିଛନ୍ତି ଏବଂ ଓଡ଼ିଶା ପର୍ଯ୍ୟଟନ ବିଭାଗ ସହଯୋଗ କରିଛି। ସମ୍ମାନିତ ସଂସ୍ଥାମାନଙ୍କୁ ଆଭାନ୍ସ ଇନସାଇଟ୍ସ ପ୍ରାଇଭେଟ୍ ଲିମିଟେଡ୍ ଦ୍ୱାରା ପରିଚାଳିତ ସ୍ୱାଧୀନ ଅନୁସନ୍ଧାନ ମାଧ୍ୟମରେ ଚୟନ କରାଯାଇଥାଏ।ଓଡ଼ିଶା ଉପକୂଳରେ ମୂଳ ପୋତିଛି ଆକିଜ୍ ହାର୍ବର ଗୋଟିଏ ସରଳ ବିଶ୍ୱାସ ଉପରେ ଗଢ଼ି ଉଠିଛି – ସମୁଦ୍ର ସବୁବେଳେ ଓଡ଼ିଶାର ସବୁଠାରୁ ସଚ୍ଚୋଟ ରୋଷେଇ ଘର। ଚିଲିକାର କଙ୍କଡ଼ା ଓ ଚିଙ୍ଗୁଡ଼ିଠାରୁ ପାରାଦୀପ ଓ ପୁରୀର ତାଜା ମାଛ ପର୍ଯ୍ୟନ୍ତ, ଏହି ରେଷ୍ଟୁରାଣ୍ଟର ମେନୁ ଫ୍ୟାସନ୍ ପଛରେ ନୁହେଁ, ଉପକୂଳ ପଛରେ ଚାଲେ – ସୋରିଷ ଓ ପଞ୍ଚଫୁଟଣ, କଞ୍ଚାଲଙ୍କା ଓ ଭୁର୍ସଙ୍ଗ ପତ୍ର, ଧୂଆଁ ବାସ୍ନାର ବେସର ଓ ଧୀରେ ରନ୍ଧା ଚେଞ୍ଚେଡ଼ା – ଯାହା ଉପକୂଳର ପିଢ଼ି ପିଢ଼ି ପରିବାର ଖାଇ ବଢ଼ିଛନ୍ତି, ଠିକ୍ ସେହିପରି ରନ୍ଧାଯାଏ।”ଏହି ପୁରସ୍କାର ସେହି ପ୍ରତ୍ୟେକ ମତ୍ସ୍ୟଜୀବୀ ପରିବାରର, ଯେଉଁମାନଙ୍କ ସକାଳର ମାଛ ଆମ ରୋଷେଇ ଘରକୁ ପହଞ୍ଚେ, ଏବଂ ସେହି ପ୍ରତ୍ୟେକ ଅତିଥିଙ୍କର, ଯିଏ ଘରର ସ୍ୱାଦ ପାଇଁ ଆମ ଉପରେ ଭରସା କରିଛନ୍ତି,” ବୋଲି ଆକିଜ୍ ହାର୍ବରର ପ୍ରୋପ୍ରାଇଟର ଶ୍ରୀମତୀ ମିତସ୍ମିତା ଦାଶ କହିଛନ୍ତି। “ଆମେ ଆଇକନ୍ ହେବାକୁ ବାହାରି ନ ଥିଲୁ। ଆମେ ବାହାରିଥିଲୁ ଆମ ଉପକୂଳରେ ଯେମିତି ସାମୁଦ୍ରିକ ଖାଦ୍ୟ ଖିଆଯାଏ, ସେମିତି ପରଷିବାକୁ – ତାଜା, ମସଲାରେ ନିର୍ଭୀକ ଏବଂ ମନ ଭରି। ଠିକ୍ ସେଥିପାଇଁ ଟାଇମ୍ସ ଅଫ୍ ଇଣ୍ଡିଆ ଦ୍ୱାରା ସ୍ୱୀକୃତ ହେବା ଆମ ପାଇଁ ଅତ୍ୟନ୍ତ ବିନମ୍ର ଅନୁଭୂତି।”ଆକିଜ୍ ହାର୍ବର ବିଷୟରେଆକିଜ୍ ହାର୍ବର ହେଉଛି ଭୁବନେଶ୍ୱର, ଓଡ଼ିଶାର ଏକ ସାମୁଦ୍ରିକ ଖାଦ୍ୟ ରେଷ୍ଟୁରାଣ୍ଟ ଓ କ୍ୟାଟରିଂ ସେବା, ଯାହା ଆସ୍ଥା ଇଣ୍ଟରନ୍ୟାସନାଲ ଦ୍ୱାରା ପରିଚାଳିତ। ତାଜା, ସ୍ଥାନୀୟ ମାଛ ଓ ପାରମ୍ପରିକ ଘରୋଇ ରନ୍ଧନ ଶୈଳୀ ଉପରେ ଗୁରୁତ୍ୱ ଦେଇ ଏହି ରେଷ୍ଟୁରାଣ୍ଟ ଓଡ଼ିଶା ଉପକୂଳର ଖାଦ୍ୟ ପରମ୍ପରାକୁ ଉତ୍ସବ ପାଳନ କରେ।