ରାଜଧାନୀ କଲେଜ ଓରିଏଣ୍ଟେସନ୍ କାର୍ଯ୍ୟକ୍ରମରେ ଆକ୍ୱାପଲ୍ସର ସିଇଓ ଶ୍ରୀ ଅଭିଷେକ ଦ୍ୱିବେଦୀଙ୍କ ପ୍ରେରଣା

ବରମୁଣ୍ଡାସ୍ଥିତ ରାଜଧାନୀ କଲେଜର ସେଣ୍ଟର ଫର୍ ମ୍ୟାନେଜେରିଆଲ୍ ଏକ୍ସିଲେନ୍ସ ପରିସରରେ ଅନୁଷ୍ଠିତ ଏମ୍‌ବିଏ ଏଗ୍ରି ବିଜନେସ୍ ମ୍ୟାନେଜମେଣ୍ଟ ଓ ଏମ୍‌ଏ ଇନ୍ ପର୍ସୋନେଲ୍ ମ୍ୟାନେଜମେଣ୍ଟ ଆଣ୍ଡ ଇଣ୍ଡଷ୍ଟ୍ରିଆଲ୍ ରିଲେସନ ଛାତ୍ରଛାତ୍ରୀଙ୍କ ଓରିଏଣ୍ଟେସନ୍ କାର୍ଯ୍ୟକ୍ରମରେ *ଆକ୍ୱାପଲ୍ସ କମ୍ପାନୀର ପ୍ରତିଷ୍ଠାତା ଓ ମୁଖ୍ୟ ନିର୍ବାହୀ ଅଧିକାରୀ ଶ୍ରୀ ଅଭିଷେକ ଦ୍ୱିବେଦୀ* ସମ୍ମାନିତ ଅତିଥି ଭାବେ ଯୋଗଦେଇଥିଲେ।ନିଜ ଅଭିଭାଷଣରେ ଶ୍ରୀ ଦ୍ୱିବେଦୀ ଛାତ୍ରଛାତ୍ରୀଙ୍କୁ ଶିଳ୍ପ ଜଗତର ବାସ୍ତବ ଅନୁଭୂତି ଏବଂ ଆକ୍ୱାପଲ୍ସର ଯାତ୍ରା ସମ୍ପର୍କରେ ଅବଗତ କରାଇଥିଲେ। ସେ କହିଥିଲେ ଯେ, ଦକ୍ଷତା, ଶୃଙ୍ଖଳା ଓ ନିରନ୍ତର ପରିଶ୍ରମ ହିଁ ସଫଳତାର ମୂଳ ଆଧାର।ଛାତ୍ରଛାତ୍ରୀମାନେ କେବଳ ପାଠ୍ୟପୁସ୍ତକ ମଧ୍ୟରେ ସୀମିତ ନ ରହି ବ୍ୟବହାରିକ ଜ୍ଞାନ, ନୂତନ ଚିନ୍ତାଧାରା ଓ ଇଣ୍ଡଷ୍ଟ୍ରି ଆବଶ୍ୟକତା ଅନୁଯାୟୀ ନିଜକୁ ପ୍ରସ୍ତୁତ କରିବା ଉଚିତ୍ ବୋଲି ସେ ପରାମର୍ଶ ଦେଇଥିଲେ।ତାଙ୍କର ପ୍ରେରଣାଦାୟୀ ବକ୍ତବ୍ୟ ଛାତ୍ରଛାତ୍ରୀଙ୍କୁ ଭବିଷ୍ୟତ କ୍ୟାରିୟର ପାଇଁ ନୂତନ ଦିଗଦର୍ଶନ ପ୍ରଦାନ କରିଥିଲା।